12歲囡挑戰西灣山

2018.12.29 ( SAT )
該年度最後一跑.
阿囡年紀大, 不及佢媽媽大, 好吧, 一齊再挑戰腳骨力啦.
東霸🏃 浪茄🏃西灣山🏃西灣亭, 全程玩咗5個半小時. 由9點半玩到3點.
以為是你的極限, 原來是我的極限.

Petsafe Deluxe Easy Walk Harness

早前 ( DEC 11 ) 趁Amazon聖誕節不設最底消費免美國當地運費, 訂了一條 Petsafe Deluxe Easy Walk Harness, Small, Rose Pink 回來.

美國人做嘢好慢嘅....成個星期才出貨, 入了倉又要幾日才上飛機, 上了飛機又要成十日才到港, 搞到昨天 (DEC 29 ) 足足18日才到手. 趕得及新年禮物送畀阿囡.

香港Foreverpet都有售, 不過經常無貨, 都係自己海購方便些, 又平好多.

呢條只係hk$180 + $18 ( 集運費用) , 不用$200 呢, 比起香港平咗 $78, 而香港又無SIZE又無顏色呢....

山頂公園

今日11點20分左右到達山頂公園2小時標位, 仍有一兩個車位,
泊好車後就落去三個草地玩. 山頂公園係少數狗可以去玩的公園.
輕輕鬆鬆玩咗三小時.
🚗 山頂公園 👉三個大草地逐個跑👉同樂徑Governor's Walk👉盧吉道26號👉山頂凌霄閣👉山頂公園🚗 回家

黑面踩新場

好享受傍晚和囡一起去海皮散步
一到日落西山, 好多人都會停下腳步拍照

青龍頭圓墩郊遊徑

今日約咗KACI 小妹妹一起行山, 去咗民安隊兩個大草地跑草草, 再去清快塘.
途上約到大頭, 一起行返去攞車, 行咗三個半小時.

馬莎全程領先, 12歲女算係咁啦, 希望腳瓜起展史納莎唔好太勉強, 要量力而為呀. 不過醫生笑過佢, 不知天高地厚係史納莎的特性.

日本油甘魚鮫

昨天行完青龍頭去屯門成興隆阿囡的肉肉, 同行朋友未去過, 朋友一知有日本油甘魚鮫好興奮, 我一直想買, 但冰格已被阿囡的肉肉佔據, 好大包呢...但朋友話好易整, 唔腥. 我買咗一包試下.

一包9件, $188, 平均約$20/件, 回家分好兩件一袋, 今晚用黑椒和鹽焗咗2件.

一D都唔腥, 好滑. 要爭食呀....

雖然一包九件好大包, 但包裝好薄, 可以平放冰格最面, 下次可以安哥無有怕

今晚阿囡無份, 但下次會預少少無調味嘅畀佢

大嶼山自駕遊

大嶼山自駕Pass要一個月前申請.
今天天氣不好, 陰天, 無落雨當行運.
今次我哋去嶼南道那邊, 先去貝澳, 再往梅窩.
梅窩碼頭旁有露天停車場, $8/ 1小時, 同泊街錶一樣, 當然好過違泊啦.
行程:
貝澳沙灘>>梅窩碼頭(泊車+食飯) >> 銀礦瀑布 >> 銀礦洞 >> 梅窩碼頭
輕輕鬆鬆半天遊

大欖涌水塘千島湖

大欖涌水塘千島湖

大欖涌水塘位於新界西部的大欖郊野公園。

大欖郊野公園範圍十分廣大, 我們試過由楊家村入,  觀看大欖涌水塘千島湖. 
由楊家村入要行頗長的路才到達, 今次由掃管笏村入, 經麥理浩徑第十段 ( M186) , 再回掃管笏村離開,  來回兩小時左右, 下次可以行耐一點. 

iHerb 收貨

早前iHerb less 11%, 今日收貨, 這是部分.

日行過萬步

承諾你，只要唔落雨我哋每天行至少5公里。
今日我們都做得到😄
今晚行了個半小時。
狗仔同人一樣, 年紀大唔運動,  流失肌肉會衰老得好快.  
#腳瓜起展史納莎

自製風乾金蠔

自製風乾金蠔

STAUB 焗素菇

最近好中意用STAUB焗東西, 非常方便, 食物也十分軟熟又唔乾.
今次全素, 咩都有少少, 街市買的燈籠椒, 秀珍姑和雞肶姑, 仲有食淨少少的白露荀, 批了皮焗原來好好味.
調味方面好隨意, 今次用black pepper, 少少鰹魚汁.
220度開蓋焗十五分鐘左右, 再加蓋焗多十五分鐘, 關爐火, 焗多一陣就食得.

自製肉餅

好耐無寫阿囡現在吃甚麼. 年多前自購優質凍肉, 免治barf, 吃了一段日子沒問題, 點知今年年頭開始持續肚瀉, 不得不更改饍食.
呢半年早上吃Dr B/ Big Dog ( 主要餵袋鼠肉) KANGA是低脂肉, 根據生產商指引, KANGA特別適合胰臟炎高發狗種, 或患有胰臟炎的毛孩.
晚上我就買靚肉, 蒸熟餵. 我囡牙齒不好, 免治也較容易消化.

臭屎勿come

呢包應該係第二包羊草肚啦, 好臭, 好似屎咁臭㗎, 不過可以調整狗狗腸胃, 當小食阿囡又中意食, 是真喜歡還是是旦啦, 有食唔食罪大惡極就唔知啦.
K9 Natural Lamb Green Tripe

$188好大包, 健康食品, 算抵食啦. 

快閃照鏡潭

雖然已是十二月, 但日間溫度還是很高.
今日先去沙田新城市廣場取回放下換電的iPhone 6 plus
再去大埔LUCA食lunch. 昨天有少少唔舒服, 原本打算上山頂, 要拖多一個星期了.
新娘潭行去照鏡潭只是十分鐘左右, 易行, 但主要係石路, 有高低, 著行山鞋和帶行山手扙比較適宜.